چنڊ جو ٽڪڙو صرف چار ڪروڙ ۾

لنڊن ۾ چنڊ جو ھڪ ساڍا تیرھن ڪلو وزن جو ٽڪڙو وڪري لاء رکیو ویو آھي جیڪو اندازو آھي تہ چار ڪروڙ پاڪستاني روپین کان وڌیڪ ۾ وڪرو ٿیندو۔

چنڊ جو اھو ٽڪڙو سھارا جي ریگستان مان لڌو ویو ھیو جنھن بابت خیال آھي تہ اھو ڪنھن خلائي پٿر جي ٽڪر لڳڻ سان چنڊ کان الڳ ٿي ڌرتي تي اچي ڪریو

چنڊ جي ان ٽڪڙي جون ٽیسٽون ڪري ان جي ڀیٽ چنڊ جي سفر تي ویندڙ اپالو مشن طرفان پاڻ سان آندل سیمپلز سان ڪئي وئي جنھن کان پوء ان جي چنڊ جي ٽڪر طور تصدیق ڪئي وئي ۔

ھي زمین تي چنڊ جو پنجون وڏو ٽڪرو آھي ھیسیتائین زمین تي چنڊ جو ساڍا ڇھ سو ڪلو وزن جا مختلف ٽڪرا ملي چڪا آھن۔ جنھن مان اپالو مشن پنھنجي سٺ ۽ ستر واري ڏھاڪي ۾ چنڊ جي سفر دوران چار سو ڪلو جا پٿر جا ٽڪڙا آڻي چڪو آھي

چنڊ شروعات کان وٺي انسانن لاء تجسس جو زریعو رھیو آھي چنڊ لاء اندازو آھي تہ ساڍا چار ارب سال اڳ ھڪڙو مریخ جیترو وجود ڌرتيء ڏي ایندي ان جي گریوٽي ۾ قابو ٿي ان جي مدار ۾ گھمڻ لڳو۔

رائٽر جي ٿورن سان