ايشيا ڪپ 2025: پاڪ ڀارت ميچ ۽ راند جي اخلاقيات

انڊس ڊيلي – سنڌي

ايشيا ڪپ جو سڀ کان وڌيڪ انتظار ڪيل مقابلو، ڀارت ۽ پاڪستان جي وچ ۾، رڳو رنسن جو نه پر جذباتن جو به ميدان بڻجي ويو. ڀارت جي 7 وڪيٽن سان فتح کان پوءِ، جڏهن پاڪستاني رانديگر هٿ ملائڻ لاءِ بيٺا هئا، ته ڀارتي ٽيم بنا ڪنهن لفظ جي ميدان ڇڏي وئي—هڪ اهڙو منظر جيڪو سڄي دنيا کي حيران ڪري ويو.

• پاڪستان پهرين بيٽنگ ڪندي صرف 128 رنسون ٺاهيون.
• ڀارت 15.5 اوورن ۾ ئي هدف حاصل ڪري ورتو، جتي سورڪمار يادوو ۽ شيوم دوبي جي بيٽنگ، ۽ ڪلديپ يادوو جي بالنگ نمايان رهي.
• ڀارتي رانديگرن جي هٿ نه ملائڻ واري عمل کي پهلگام حملي ۽ ان جي جواب ۾ آپريشن سندور سان جوڙيو پيو وڃي.
• ذريعن موجب، اهو عمل هڪ خاموش احتجاج هو، نه پاڪستاني رانديگرن خلاف، پر خطي جي سياسي صورتحال لاء به الارمنگ رهيو
• پاڪستان ميچ ريفري اينڊي پائيڪرافٽ تي الزام لڳايو ويو ته هن اڳواٽ ڀارتي ٽيم کي هٿ ملائڻ کان روڪيو.
• پاڪستان ڪرڪيٽ بورڊ (PCB) ان عمل کي “غير ذميوار رويو” قرار ڏيندي ICC کي شڪايت جمع ڪرائي.
• سنيل شيٽي جهڙن فنڪارن چيو ته “رانديگرن جي خاموشي، نعرن کان وڌيڪ ڳالهائي ٿي.”
• ڀارت ۾ سپريم ڪورٽ ۾ درخواست داخل ٿي، جنهن ۾ ميچ کي ملتوي ڪرڻ جو مطالبو ڪيو ويو.
• ICC وضاحت ڪئي ته هٿ ملائڻ لازمي نه آهي، پر ان جي غير موجودگي عالمي بحثن کي جنم ڏنو.